S. 346
[83: 1737-1738]
Sub rectoratu altero Johannis Hildebrandi Withofii, historiarum, eloquentiae et Graecae linguae professoris ordinarii, anno 1737 et 1738 huic albo academico sua se manu inseruerunt.
LegItIMe IVVenes VeLVtI eXIgIt orDo, reCeptI,
qVoD feLIX faVstVMqVe sIt, neC non saLVtare!
1. Anno 1737 die 16 Octobris. Joannes Arnoldus Moyses, Grevenbrocha-Juliacensis. Accessit huc testimonio viri reverendi C.E. Stephani, rectoris Wyckrath-Bergensis gymnasii, instructus, operamque theologiae navaturus est.
2. Eodem die. Cornelius Flören dictus Muchhausen, Coloniensis. Attulit secum testimonium viri rev. Theodori Diercksen, gymnasiarchiae Dusseldorpiensis, admodum laudabili, similiterque theologiae operam dabit.
3. Eodem die. Johannes Fridericus Pütter, Iserlohnio-Marcanus. Venit huc ex classibus Essendiensis gymnasii legitime dimissus obtulitque testimonium perelegans eruditississimi et plur. reverendi viri Johannis Henrici Zopfii, illius gymnasii directoris. Operam hic humanioribus et iurisprudentiae est daturus.
4. Die 20 Octobris. Daniel Henricus Becker, Vesaliensis. Attulit secum testimonium viri cl. rev. Petri Jansenii, rectoris gymnasii Vesaliensis, a quo ex classibus dimissus erat. Operam daturus est literis humanioribus et iurisprudentiae, sicut ipsemet de se fuit confessus.
5. Die 23 Octobris. Hermannus Tenderingh, Vesaliensis, iurium studiosus. Frequentavit scholas Vesalienses sub rectore d. Petro Jansenio, a quo hoc examine autumnali ad publicas lectiones solenniter promotus fuit. Ab eodem adolescentiae suae manuductore testimonium attulit non illaudabile. Operam daturus est iurisprudentiae.
6. Die 2 Novembris. Jacobus Henricus Hinssen, Sonsbecka-Clivensis. Frequentavit scholam in patria sua ac deinceps Moermterae sub domino pastore Elsnero rudimenta studiorum suorum deposuit. Studiis humanioribus ac theologiae operam navaturus est.
7. Die 8 eiusdem. Fridricus Henricus Hoecker, Daadena-Hachenburgo-Saynensis. Frequentavit primo scholam Neovedae sub d. rectore {rev.}Baurmeistero, postea sub pastoribus in patria sua theologiae operam dedit instruxitque filios amplissimi viri J. Theodori Grün, consiliarii Hachenburgici, a quo testimonio laudabili instructus accessit, studiaque sua sacra ulterius prosecuturus est.
8. Die 12 eiusdem. Bernard Wilhelm Mues, Anröchtanus Westphalus. Paderbornae iam iurisprudentiae operam dedit eandemque hic continuaturus est.
9. Die 16 Decembris. Maximilianus Theodorus Arnoldus Schenck de Nydeggen, Geldriensis ex Sevenum, candidatus iuris. Venit huc ex academia Brabantina Lovaniensi, ut summos in iure honores suscipiat graduque doctoratus augeatur.
10. Die {23} eiusdem. Johannes Christianus Coester, Palatinus. Candidatus theologiae, cui operam iam in Marburgensi et Heidelbergensi academia navavit, et heic locorum deinceps porro navaturus est.
ALtera pars annI fVgltat, pars aLtera restat;
PaX, aDes; Vt nVLLO terrent aVra MetV!
BeLLa nIsl sILeant, frVstra bona gaVDIa MVsae,
Et sIne spe VoLVVnt grata brabea sIbl.
Anno 1738 quo
TVrCa parat pVgnas RVssls fVrlosVs aprVgnas
Ferro, Marte, DoLo, PannonlaeqVe soLo.
BLanDa, preCor, DVret, segetesqVe hIC Ipsa proCVret
FertILItas paCIs, Vls Vbl nVLLa faCIt.
11. Die 7 Februarii. Joannes Philippus de Wydenbruck, ex Eskinck. Operam iam dedit iurisprudentiae Moguntiae et Coloniae ad Rhenum, unde huc accessit, eidem studiorum generi porro operam navaturus.
12. Die 14 Aprilis. Alexander Bogislaus de Wobeser, Regiomonti-Borussus. Usus est hactenus privata institutione et iam iurisprudentiae operam dabit literisque simul humanioribus.
13. Eodem die. Daniel Senfftenberg, Soldaviensis Borussus, ut ephorus domino de Wobeser adsociatus.
14. Die 16 Aprilis. Antonius Senger, Hammona-Marcanus. Accessit huc instructus pereleganti ac sufficienti testimonio plur. rev. d. C.Fr. Stolte, V.D.M. et Limburgensis pastoris, sub quo tyrocinia deposuit, et nunc studio medicinae vacabit.
15. Die 23 Aprilis. Joannes Guilielmus Holterhof, Schwelma-Marcanus. Iuris studiosus, cui iam per aliquot annos Tremoniae nec non Coloniae Agrippinae operam navavit, et hic ulterius se navaturum esse promisit.
16. Die 25 Aprilis. Albertus Ferdinandus Schöler, Montensis ex Romberg. Iuri per annos plures Coloniae Agrippinae operam dedit, sufficientibus de profectibus simul et natalibus suis instructus testimoniis. Huc venit, ut supremos in utroque iure honores legitime suscipiat.
17. Die 28 Aprilis. Godfridus Bongardt, Duisburgensis. Frequentavit classes Duisburgenses, aptusque iam promotioni pubIicae inveniretur, exigente ita parente eius et desiderante, inscriptus est, cum plur. rev. vir Baurmeister ipsi hanc promotionem promisisset[!], literis humanioribus et deinceps theologiae operam daturus est.
18. Die 21 Iunii. Henricus Nicolaus van Elswijck, Boxmeranus. Medicinae candidatus, in qua supremos etiam honores in hac academia suscipiet.
19. Die 3 Iulii. Friderickus Adolphus Strickling, Duisburgensis. Cum classibus trivialibus valedixisset, cuperetque studia sua prosequi, praesente parente eius examini se meo subiecit, admissusque est, daturus literis humanioribus et postea theologiae operam.
20. Die 6 Augusti. Cornelius van der Hulpen, Sylvaducensis Brabantus. Venit huc maiorum more gradum doctoratus in medicina solemniter sumpturus.
21. Die 18 Augusti. Johannes Philippus de Königsegg, NeocIesiensis. Frequentavit classes Morsenses ibidemque a plur. rev. rectore Bruckmanno ad publicas lectiones dimissus est. Literis humanioribus ac deinceps theologiae operam daturus est.
22. Die 29 Augusti. Petrus von Sarn, Möersensis. Frequentavit classes Mörsenses, seque examini meo legitime subiecit, ut ad publicas lectiones promoveretur; et diligentiam ulteriorem pollicitus est, seque humanioribus literis et philosophiae operam adhuc certo tempore navaturum esse promisit.
23. Die 17 Septembris. Johannes Hermannus Schadden, Gocha-Clivensis. Frequentavit scholam Gochensem in patria sua et testimonio sufficienti ab eiusdem ludi literarii moderatore, d. Henrico Ludovico Glöe, instructus ornatusque accessit. Literis porro humanioribus, philologiae ac deinceps theologiae operam suam consecrabit.
24. Die 1 Octobris. Andreas Wilhelmus Pagenstecher, Hammona-Marcanus. Literis primo humanioribus ac philosophiae ac deinceps theologiae se operam daturum esse professus est.
25. Eodem die. Hermannus Adrianus Finmann, Flirica-Marcanus. Itidem literis primo humanioribus atque philosophiae, deinceps autem iurisprudentiae se operam navaturum esse respondit.
26. Eodem die. Balthasarus Eberhardus Withof, Duisburgensis. Hic quoque literis humanioribus atque philosophiae primo, postea autem theologiae se, Deo voIente, consecrabit.
27. Eodem die. Philippus von der Brucken, ad Rhuram Mülheimiensis. Is similiter studiis primo propaedeuticis ac sic porro theologiae operam daturus est.
Hi quatuor iuvenes ex gymnasii Duisburgensis classibus solemniter et legitime ab eius moderatore, viro plur. rev. doctissimo Bauermeistero, ad publicas lectiones promoti fuerunt, ac se deinceps, ut more maiorum in hoc album reciperentur, stiterunt.
28. Die 11 Octobris. Johannes Georgius Bergius, Berolinensis. Instructus egregiis et sufficientibus testimoniis dominorum Francofurtanae academiae professorum huc accessit, et studia iuris, quae tractavit, hic porro continuaturus est.
29. Die 13 Octobris. Gerhard Fridrich Rappard, Lobitho-Clivensis. Privata institutione domi usus est, ac deinceps Arenaci commoratus, nunc autem huc accessit studia iuris, quae inchoavit, hic ulterius prosecuturus.
30. Eodem die. Henricus Jacobus Mylaeus, Bochemia-Marcanus. Iam per triennium Harderovici GeIrorum theologiae operam navavit, unde huc adveniens eamdem scientiam hic continuare {decrevit}.
Da paCeM terrae; tVa LVX fVget orta tenebras;
Protege nos aLls, oro, IehoVa tVIs!